Андрей Голубев Словакиядағы турнирдің финалына шықты

Братиславада (Словакия) Челленджер сериясы бойынша турнир аяқталуға жақын. Қазақстандық теннисші Андрей Голубев жұптық сайыста жартылай финалдық кездесуін өткізді, деп хабарлайды Zakon.kz.

Қазақстандық украиналық Денис Молчановпен бірге Адам Павлашек (Чехия)/Ариэль Биар (Уругвай) жұбын 6:3, 6:3 есебімен ұтты.

Матч 58 минутқа созылды. Осы уақыт ішінде Қазақстан-Украина тандемі екі эйс жасады, бірде-бір қос қате жібермей, бес брейк-пойнттың үшеуін сәтті пайдаланды.

Финалда Голубев пен Молчанов Срирам Баладжи (Үндістан) / Андре Бегеманн (Германия) жұбына қарсы ойнайды.