Қазақстандық теннисші Vienna Open турнирінде жеңіліп қалды
![Александр Недовесов , сурет - Zakon.kz жаңалық 25.10.2023 11:42](https://kaz.zakon.kz/pbi/WEBP/2023-12-20/file-1bc5a77f-aede-43e0-836b-2e2c75dd53c5/800x450.webp)
Қазақстандық теннисші Александр Недовесов Венадағы хард төсенішіндегі турнирдің жұптық сынында дебюттік кездесуін өткізіп, жеңіліске ұшырады, деп хабарлайды Zakon.kz.
Қазақстандық теннисші эквадорлық теннисші Гонсало Эскобармен жұптасып кортқа шықты. Олар ұлыбританиялық-америкалық теннисшілер Кэмерон Норри мен Томми Полға қарсы ойнады. Кездесу турнирдің 1/8 финалы аясында өтті.
Матч 48 минутқа созылды. Ойынның қорытындысы бойынша Недовесов пен Экскобар 3:6, 0:6 есебімен жеңілді.
Айта кетейік, жұптық сындағы Қазақстанның үздік теннисшісі, 36 жастағы Александр Недовесов әлемдік рейтингіде 44-орында тұр.
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript