Қазақстандық теннисші Анна Данилина "Ролан Гаррос" турнирінің финалында жеңіліп қалды

Қазақстандық теннисші Анна Данилина сербиялық Александра Круничпен жұптық сында өнер көрсетіп, "Ролан Гаррос–2025" турнирінің финалында жеңіліп қалды, деп хабарлайды Zakon.kz.

Финалда олар әлемнің екінші ракеткалары – италиялық Сара Эррани мен Жасмин Паолинимен кездесіп, 2 сағат 15 минутқа созылған матчта үш сет қорытындысы бойынша қарсыластарына жол берді – 4:6, 6:2, 1:6.

Нәтижесінде италиялық жұп турнир жеңімпазы атанды.

Анна Данилина үшін бұл – "Үлкен дулыға" турнирлеріндегі үшінші финал. Ол 2022 жылы Australian Open турнирінің финалында ойнаса, 2023 жылы US Open турнирінде микст санатында чемпион атанған еді.