Бублик Париждегі "Мастерс" турнирінің екінші айналымына шықты

Александр Бублик Парижде өтіп жатқан ATP 1000 Masters турнирінің екінші кезеңіне шықты, деп хабарлайды Zakon.kz.

Қазақстанның бірінші, әлемнің 33-ракеткасы бірінші айналымдағы матчта ATP рейтингінде 14-орында тұрған америкалық Фрэнсис Тиафомен ойнады. Ол қарсыласын 6:3, 6:4 есебімен екі сетте ұтты.

Бубликтің келесі қарсыласы чилилік Николас Гарри болады.

Еске салайық, Александр Бублик мұның алдында Швейцарияның Базель қаласындағы ATP 500 турниріне қатысып, 1/16 кезеңінде әлемнің 8-ракеткасы Каспер Руудтан жеңілді.

Қазақстанның бірінші ракеткасы оның алдында Бельгияның Антверпен қаласында өткен ATP 250 санатындағы турнирдің чемпионы атанды.