Махмұд Сабырхан кубалық боксшыға еш мүмкіндік бермеді

Астанада өтіп жатқан "IBA-ның Чемпиондар түні" бокс кешінде Махмұд Сабырхан кубалық Роландо Мартинес Переспен өзара бақ сынасты, деп хабарлайды Zakon.kz.

"Қазақтың Ломаченкосы" деген атпен танымал Махмұд Сабырхан кубалықты рингте қуып жүріп, "сабады", деп хабарлайды Sports.kz.

57 келіге дейінгі салмақ дәрежесінде қос боксшы алты раунд өткізді. Бұл жекпе-жекте төрешілер бірауыздан жеңіс Сабырханға тиесілі деп көрсетті.

Айта кетсек, Махмұд Сабырхан қазіргі әлем чемпионы, ол биыл Ташкентте (Өзбекстан) өткен Әлем чемпионатында алтын медаль жеңіп алды. Сондай-ақ, әуесқой бокстан Сабырхан 2021 жылы Әлем чемпионатының күміс медалын иеленген болатын. 

Айта кетсек, бұған дейін Санжар Тәшкенбай өте тәжірибелі Өзбекстан боксшысын жеңгенін хабарлаған болатынбыз.