"Чемпиондар түні" бокс кеші: Санжар Тәшкенбай Өзбекстан боксшысын жеңді
Сурет: instagram.com/boxingkazakhstan
Астанада Халықаралық бокс қауымдастығының (IBA) "Чемпиондар түні" бокс кешінде Санжар Тәшкенбай Өзбекстан өкілі Нодиржон Мырзахмедовпен жұдырықтасты, деп хабарлайды Zakon.kz.
Әлем чемпионы Санжар Тәшкенбай өзбектің тәжірибелі бокшысынан басым түсті, деп хабарлайды Sports.kz.
51 келіге дейінгі салмақ дәрежесінде Тәшкенбай мен Мырзахмедов алты раундқа белгіленген жекпе-жекте (үш минуттан) жұдырық түйістірді. Төрешілердің шешімімен Қазақстан боксшысы жеңіске ие болды.
Айта кетсек, Санжар Тәшкенбай қазіргі әлем чемпионы: ол Ташкенттегі 2023 жылғы Әлем чемпионатында алтын медаль жеңіп алған болатын. Нодиржон Мырзахмедов болса, ол 2019 және 2021 жылдары екі рет Азия чемпионы атанған.
Бұл кештің басты оқиғасы - Данияр Елеусінов пен ОАР боксшысы Джабулани Макхенс жекпе-жегі екенін еске сала кетелік.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
