Александр Бублик Аустралиядағы турнирдің финалына шыға алмады

Александр Бублик Аделаида (Аустралия) ATP 250 турнирінің финалына шыға алмады, деп хабарлайды Zakon.kz.

Жарыстың 8-ракеткасы болып тіркелген қазақстандық теннисші жартылай финалда дүниежүзілік рейтингіде 62-орында тұрған ұлыбританиялық Джек Дрейпермен бақ сынасты.

Тартысты өткен бірінші партияда ұлыбританиялық спортшы тай-брейкте басымдылық танытты – 7:6 (7:2).

Екінші сетте есеп 2:2 болған мезетте Дрейпер брейк жасап, алға кетті – 4:2. Ақыры сол басымдылығынан айырылған жоқ – 6:4.