Елена Рыбакина Абу-Дабидегі WTA 500 турнирінің жартылай финалына өтті

Қазақстанның бірінші, әлемнің бесінші ракеткасы Елена Рыбакина Абу-Дабидегі WTA 500 турнирінің жартылай финалына өтті, деп хабарлайды Zakon.kz.

Ол турнирдің ширек финалында әлемнің 74-ракеткасы, испаниялық теннисші Кристина Бучамен шеберлік байқасты.

Елена Рыбакина қарсыласын 6:1, 6:4 есебімен қапы қалдырды.

Ол матч кезінде жеті эйс пен үш қос қателік жасап, 11 брейк-пойнттың төртеуін өз есебіне жазды. Ал қарсыласы Буча екі эйс пен үш қос қателік жасап, бір прейк-пойнтты пайдаланды.

Tough stuff from the top seed 👊

Elena Rybakina knocks out Bucsa to book an Abu Dhabi semifinal with Samsonova!#MubadalaAbuDhabiOpen pic.twitter.com/tOCuAsfuTG

— wta (@WTA) February 9, 2024

Елена Рыбакина енді осы турнирдің финалына шығу үшін ресейлік теннисші, әлемннің 15-ракеткасы Людмила Самсоновамен матч өткізуі керек.