Айбек Оралбай Италиядағы екінші жекпе-жегінде жеңіске жетті

Айбек Оралбай Италияда өтіп жатқан лицензиялық турнирде кезекті жеңісіне қол жеткізді, деп хабарлайды Zakon.kz.

92 келіге дейінгі салмақта бақ сынайтын Айбек екінші жекпе-жегінде Оңтүстік Корея өкілі Юнг Ха Ныльдан басым түсті. 

Ол қарсыласын үшінші раундта нокдаунға жіберген. 

Осылайша, Айбек Оралбай үшінші кезеңге өтті. 

Айта кетейік, бұған дейін шаршы алаңға шыққан үш боксшымыз - Жайна Шекербекова, Римма Волосенко және Мұхамедсабыр Базарбайұлы жеңіліп қалған болатын. Ал Асланбек Шымбергенов келесі кезеңге жолдама алды.