Елена Рыбакинаның Индиан-Уэллстегі "Мастерс" турниріндегі алғашқы қарсыласы анықталды

Индиан-Уэллс қаласында (АҚШ) WTA 1000 санатындағы турнир өтіп жатыр. Қазақстанның бірінші, әлемнің төртінші ракеткасы Елена Рыбакинаның алғашқы қарсыласы белгілі болды, деп хабарлайды Zakon.kz.

Аргентиналық теннисші Надя Подороска (№84 WTA) іріктеу кезеңдерінен өтіп, алғашқы матчында да жеңіске жетті. Енді ол екінші айналымда әлемнің төртінші ракеткасы, Индиан-Уэллстегі турнирдің былтырғы чемпионы Елена Рыбакинамен ойнайды.

Қазақстан әйелдер құрамасының көшбасшысы турнирді бірден екінші айналымнан бастайды.

Надя Подорошка бірінші айналымда америкалық Эшлин Крюгерді (№71 WTA) 3:6, 6:3, 6:3 есебімен ұтты. Бастапқыда Крюгер Паула Бадосамен ойнауы керек еді, бірақ испаниялық жарақатына байланысты турнирден бас тартты, оның орнына Подорошка шықты.