Елена Рыбакинаның US Open турниріндегі келесі қарсыласы белгілі болды

Елена Рыбакина, сурет - Zakon.kz жаңалық 29.08.2023 22:16

Сурет: ktf.kz

Қазақстанның бірінші, әлемнің төртінші ракеткасы Елена Рыбакинаның US Open турнирінің екінші айналымындағы қарсыласы белгілі болды, деп хабарлайды Zakon.kz.

Елена Рыбакина US Open турнирінің екінші айналымында әлемнің 127-ракеткасы, аустралиялық теннисші Айла Томляновичпен ойнайды. Ол бірінші кезеңде венгриялық теннисші Панна Удвардиді жеңді.

Қазақстандық және аустралиялық теннисшілердің матчы 30 тамызға жоспарланған.

Айта кетейік, Елена Рыбакина АҚШ ашық чемпионатын жеңіспен бастады.

Қазақстандық теннисші алғашқы айналымда дүниежүзілік рейтингте 39-орында тұрған украиналық Марта Костюкпен шеберлік байқасты.

Бірінші партияда Рыбакина 2:0 есебімен алға шықты. Бұдан кейін Марта Костюк есепті қысқартқанымен, қазақстандық спортшы сетті тағы бір брейкпен түйіндеді – 6:2.

Екінші сетте Елена қарқынын тіпті үдетті – 6:1.

1,5 сағатқа жуық уақытқа созылған матч кезінде Рыбакина 2 эйспен бірге 12 брейк-пойнттың бесеуін мүлт жібермеді. Қарсыласы 4 эйс, 1 брейкпен (5 брейк-пойнт) көзге түсті.

Оқи отырыңыз