Belgrade winner-2024: бүгін Қазақстанның 8 боксшысы "алтынға" таласады

Сербия астанасы Белградта бокстан дәстүрлі Бранко Пешич мемориалы шарықтау шегіне жетті. Қазақстан намысын қорғаған 12 боксшымыздың 8-і финалға шықты, деп хабарлайды Zakon.kz.

Кеше, 16 наурызда шаршы алаңға төрт боксшымыз шығып, төртеуі де жекпе-жектерін жеңіспен аяқтады, деп хабарлайды Қазақстан бокс федерациясы.

Атап айтқанда,

• 71 келіде Сабыржан Аққалықов монтенегролық Стефан Савковичті жеңді.
• 75 келіде Диас Молжігітов ресейлік Джамбулат Бижамовтан басым түсті.
• 80 келіде Ерасыл Жақпеков турнир қожайыны Златко Турковичті тізе бүктірді.
• 92 келіде Данияр Рахымбердинов тағы бір серб Мирослав Савичтің сағын сындырды.

Осылайша Белградтағы турнирдің финалында 8 боксшымыз жұдырықтасады:

• 48 келі: Ернұр Қайрат
• 51 келі: Санжар Тәшкенбай
• 54 келі: Дәулет Молдашев
• 71 келі: Сабыржан Аққалықов
• 75 келі: Диас Молжігітов
• 80 келі: Ерасыл Жақпеков
• 92 келі: Данияр Рахымбердинов
• 92+келі: Олжас Боқаев

Айта кетсек, әлемнің 16 елінен 106 боксшы қатысып жатқан халықаралық турнирде Қазақстанның 12 боксшысы бақ сынауда. Турнир 17 наурызға дейін жалғасады.