Рыбакина Майамидегі WTA 1000 турнирін сәтті бастады

Қазақстанның бірінші ракеткасы Елена Рыбакина WTA 1000 санатындағы турнирдегі матчын сәтті бастады. Ол даниялық Клара Таусонды ұтты, деп хабарлайды Zakon.kz.

Рыбакина бұл турнирді екінші айналымнан бастады.

2 сағат 26 минутқа созылған кездесу 3:6, 7:5, 6:4 есебімен аяқталып, қазақстандық теннисші жарыстың үшінші кезеңіне өтті.

Got there in the end 🙌

Elena Rybakina overcomes a spirited effort by Tauson to prevail in 3 tight sets in her opening match of the tournament!#MiamiOpen pic.twitter.com/aA7A6Y1myI

— wta (@WTA) March 22, 2024

Рыбакинаның келесі қарсыласы америкалық Тейлор Таунсенд болады (№72). Былтыр Майамиде қазақстандық теннисші финалға дейін жетіп, чехиялық Петра Квитоваға есе жіберген (6:7, 2:6) еді.

Рыбакина наурыздың басында денсаулығына байланысты Индиан-Уэллстегі "Мастерс" санатындағы турнирге қатысудан бас тартқан еді.

Айта кетейік, тағы бір қазақстандық теннисші Юлия Путинцева ресейлік Людмила Самсонованы 6:1, 4:6, 6:3 есебімен ұтып, Майамиде (АҚШ) өтіп жатқан WTA 1000 турнирінің үшінші кезеңіне өтті.