Азаренкомен өтетін жартылай финалдық матчқа дейін қалыпқа келуім керек – Рыбакина
Сурет: ktf.kz
Елена Рыбакина ширек финалда әлемнің 9-ракеткасы, грекиялық Мария Саккаримен өткен ауыр матчтан кейін қалыпқа келудің қиынға түсетінін айтты, деп хабарлайды Zakon.kz.
"Азаренкомен ойын жеңіл болады деп ойламаймын, өйткені әр матч сайын өз бабыма оралуға жақындай түскеніммен, қалыпқа келу қиын болып тұр. Әрине, мұндай ауыр бәсекелер болашақта жәрдемдеседі, бірақ бір күн демалыс болғанның өзінде қалыпқа келу оңай емес. Матчтан кейін аяғымның ауырғанын сезіндім. Бұған төзуге тырысамын. Қазір ең бастысы – қалыпқа келу. Өзімді жақсырақ сезінемін деп үміттенемін". Елена Рыбакина
Рыбакина мен әлемнің 32-ракеткасы Азаренконың ойыны 28 наурызға белгіленген.
Өзара кездесулерде есеп – 3:0, Елена алда тұр.
Еске салайық, бұған дейін Қазақстанның көшбасшы теннисшісі Майамидегі WTA 1000 турнирінің ширек финалында әлемнің 9-ракеткасы, грекиялық Мария Саккариді жеңген еді.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
