Елена Рыбакина Абу-Дабидегі турнирдің жартылай финалына шықты

Қазақстанның бірінші, әлемнің бесінші ракеткасы Елена Рыбакина Абу-Дабидегі турнирдің ширек финалындағы матчын өткізді, деп хабарлайды Zakon.kz.

Ол бұл айналымда тунистік теннисші, әлемнің 33-ракеткасы Онс Жабермен кездесіп, қарсыласын үш сетте 6:2, 4:6, 7:6 есебімен жеңіске жетті.

Рыбакина бұған дейін америкалық Кэти Волынецті (WTA рейтингінде 68-орын) 2:6, 6:4, 6:4 есебімен ұтты.

Енді ол жартылай финалда швейцариялық теннисші, әлемнің 157-ракеткасы Белинда Бенчичпен кездеседі.

Айта кетейік, Абу-Дабидегі турнир 3-8 ақпан аралығында өтеді. Бұл турнирде былтыр дәл Елена Рыбакина жеңіске жеткен еді. Жеңімпаз 164 000 доллар мен 500 рейтингтік ұпайға ие болады.