Қазақстандық теннисшілер "челленджер" турнирін сәтті бастады

Бейбіт Жұқаев Мехикода (Мексика) өткен ATP Challenger турнирінің екінші айналымына шықты. Тағы бір қазақстандық теннисші Тимофей Скатов Барлеттадағы (Италия) челленджердің бастапқы раундынан өтті, деп хабарлайды Zakon.kz.

Бейбіт Жұқаев 3 сәуірдегі кездесуінде Зимбабвелік ойыншы Бенджамин Клокты 4:6, 6:3, 6:4 есебімен жеңді.

Матч ұзақтығы 2 сағат 25 минутқа созылды. Осы уақыт ішінде Жұқаев 19 эйс жасап, 6 брейк-пойнттың екеуін пайдаланды.

Мексикада бесінші нөмірмен өнер көрсеткен Бейбіт ширек финалға шығу үшін, 18 жастағы жергілікті теннисші Родриго Пачеко Мендеспен ойын алаңына шығады.

Сурет: https://ktf.kz

Қазақстанның тағы бір өкілі Тимофей Скатов Италияда Андреа Гуэрриримен өткен кездесуде 6:4, 4:6, 7:5 есебімен басым түсті.

3 сағат 34 минутқа созылған ойында Скатовтың есебінде 4 эйс және 16 брейк-пойнттың сегізі бар.

Келесі раундта Скатов австриялық Филипп Мисоличпен ойнайды.

Айта кетейік, бұған дейін Қазақстандық теннисші Анна Данилина WTA-500 турнирінің басында жеңіліске ұшыраған болатын.