Жасөспірімдер арасындағы ауыр атлетикадан Аянат Жұмағали да әлем чемпионы атанды
![Жасөспірімдер арасындағы ауыр атлетикадан әлем чемпионаты, Аянат Жұмағали, алтын медаль, сурет - Zakon.kz жаңалық 26.05.2024 12:57](https://kaz.zakon.kz/pbi/WEBP/2024-05-26/file-6a7d637b-bbbf-4216-bbbf-246df16791fa/400x225.webp)
Перу астанасы Лимада өтіп жатқан ауыр атлетикадан жасөспірімдер арасындағы әлем чемпионатында Қазақстан қоржыны тағы екі медальмен толықты, деп хабарлайды Zakon.kz.
Ұлттық олимпиада комитетінің хабарлауынша, қыздар арасында 76 келіге дейінгі салмақта бақ сынаған Аянат Жұмағали әлем чемпионы атанды. Қоссайыс қорытындысы бойынша 222 келіні бағындырған Аянат қарсыластарынан оқ бойы озып кетті.
Күміс медальді финляндиялық Мини Хормавирта (211 келі), қоланы үндістандық Санжана (210 келі) иеленді.
Сондай-ақ, қыздар арасында 81 келіде бақ сынаған Сәния Орманбаева жалпы есебі 201 келіні игеріп, қола жүлдегер атанды.
Еске сала кетейік, бұған дейін Ақжол Құрманбек күміс, Нұрдос Сабыр алтын медаль жеңіп алған болатын.
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript