Александр Шевченко "Ролан Гаррос" турнирін сәтті бастады

Қазақстандық теннисші Александр Шевченко Францияның ашық чемпионатын сәтті бастады, деп хабарлайды Zakon.kz.

Александр Шевченко Аустралия ашық чемпионатының 2021 жылғы жартылай финалисі, ресейлік теннисші, әлемнің 82-ракеткасы Аслан Карацевті 6:4, 4:6, 1:6, 6:1, 6:4 есебімен бес сетте жеңді.

Қазақстандық екінші айналымда франциялық Корентин Мутемен ойнайды.

Михаил Кукушкин бірінші айналымда венгриялық Фабиан Марожаннан жеңіліп қалды – 2:6, 2:6, 3:6.