Аргентина құрамасының тәлімгері Олимпиаданы қатты сынға алды

Сурет: Instagram/mascherano14

Аргентина құрамасының бас бапкері Хавьер Маскерано Мароккомен болған оқиғадан кейін Париждегі ХХХІІІ жазғы Олимпиаданың ұйымдастырушыларына наразылығын білдірді, деп хабарлайды Zakon.kz.

Бұрын хабарланғандай, Аргентина мен Марокко арасындағы футбол ойыны 106-минутта оңтүстік американдықтар гол соққаннан кейін стадиондағы тәртіпсіздіктерге байланысты екі сағатқа тоқтатылды.

Бұл кезде оңтүстік американдықтар 2:2 есебімен теңестіре алды.

Екі сағаттан кейін ойын қайта басталды, екі минутқа созылған ойын ешқандай нәтиже бермеді. Ал, төрешілер 106-шы минутта соғылған аргентиналықтардың голын есепке алмады. Осылайша африкалықтар 2:1 есебімен жеңіске жетті.

"Алдымен біздің ойыншымыз Тьяго Алматының заттары ұрланды. Артынша бізді бүткіл жерде тексеріске алды, түсініксіз жағдайлар орын алды. Сондай-ақ, ойын кезінде белгісіз адамдар жеті рет алаңға жүгіріп шықты, бізге қарай отшашулар атты. Бізге 2:2 есебінің түпкілікті екенін айтты. Сондықтан да біз де біздің қарсыластарымыз да ойынды жалғастырғымыз келмеді. Біз көрші үйдегі ойынға емес, Олимпиадаға келдікі. Бұлай боламауы керек". Аргентина олимпиадалық құрамасының бас бапкері Хавьер Маскерано

Айта кетейік, Аргентина олимпиадалық құрамасы осы жарыстардың екі дүркін жеңімпазы (Афина-2004 және Пекин-2008).

Оқи отырыңыз