Головкин Париж Олимпиадасында дзюдодан қола жүлдегер атанған Ғұсман Қырғызбаевты құттықтады
Сурет: instagram.com/olympickz
"Еліміздегі барша Олимпиадалық команданың атынан Сізді Олимпиада ойындарының қола медалімен құттықтаймын!
Кеше басталған жүлделер сериясын жалғастыру арқылы Сіз тек қана дзюдо жанкүйерлерін емес, барша қазақстандықтарды қуанттыңыз!
Нағыз чемпион жеңіп алған медалінен бөлек, мінезімен де ерекшеленеді. Өте қиын белдесулерде жеңіске деген жігер танытып, чемпиондық рух көрсеттіңіз. Сіздің бапкерлеріңіз Ермек Нәсиев пен Нұрбол Сүлейменовті Олимпиада жүлдесімен шын жүректен құттықтаймын. Бұл жеңіс барша жас қазақстандықтарды жігерлендіріп, оларды ірі жеңістерге жетелесін!
Барша қазақстандықтарды тағы бір Олимпиада жүлдесімен құттықтаймын!", - делінген құттықтауда.
Ұлттық құрама дзюдошысы Ғұсман Қырғызбаев (66 келі) Париж Олимпиадасында серб Страхиня Бунчичті жығып, қола медаль жеңіп алды.
Қазақстан құрамасы үш медальмен жалпы есепте 7-орынға тұрақтады.
