Әлемнің бұрынғы алғашқы ракеткасы Рафаэль Надаль Олимпиада ойындарындағы мансабын аяқтады
Сурет: АТР
31 шілдеде екі дүркін Олимпиада чемпионы Надаль 1/4 финалда жерлесі Карлос Алькараспен дуэтте АҚШ-тың тандемі Раджив Рамға және Остин Крайчекке 2:6, 4:6 есебімен есе жіберді.
Кездесу 1 сағат 27 минутқа созылды.
Надаль жекелей сынның бірінші айналымында венгрлік Мартон Фучовичті 6:1, 4:6, 6:4 көрсеткішімен басып озды. Ал екінші айналымда сербтік теннисші Новак Джоковичпен кездесті. Бұл ойында Джокович 6:1, 6:4 есебімен жеңіске жетті. Осылайша Рафаэль Надаль өзінің Олимпиада ойындарындағы мансабын тәмамдады.
Ол 2008 жылғы Олимпиаданың жекелей сынында "алтынды" жеңіп алған болатын. Ал, 2016 жылы Риодағы жарыс кезінде жұптық ойында Марк Лопеспен бірге бірінші орынды иеленді.
Ал оның жерлесі Алькарас 2024 жылғы Олимпиадада жекелей сында өнер көрсетуді жалғастыруда. Ширек финалда ол американдық Томми Полмен ойнайды.
Бұған дейін Новак Джокович Париждегі ерлер арасындағы жекелей сында екінші ширек финалист болған.
