Санжар Ерұланұлы дзюдодан жасөспірімдер арасында Әлем чемпионы атанды
Сурет: Қазақстан дзюдо федерациясының баспасөз қызметі
Қазақстан дзюдо федерациясы баспасөз қызметінің хабарлауынша, әлемдік рейтингте 5-ші орында тұрған отандасымыз жарысты екінші айналымнан бастады. Жалпы жарыс барысында ол төрт кездесу өткізіп, төртеуінде де қарсылас шақ келтірген жоқ. Алғашқы қарсыласы Мунгун Учрал Ууганбаярды (Моңғолия), одан кейін ширек финалда Гиорги Гелашвилиді (Грузия) жеңді. Ал жартылай финалда украиналық Аркадии Смаиловтан басым түскен болатын.
Айта кетерлігі, жасөспірімдер арасында сынға түскен Санжар Ерұланұлының бұл - Әлем чемпионатындағы алғашқы жүлдесі. 17 жасар Санжар бұған дейін 2024 жылғы маусымда Қазақстан чемпионатын және Азия кубогін ұтқан, сондай-ақ Еуропа кубогінде күміс жүлдегер атанып үлгерген.
Дзюдодан жасөспірімдер арасындағы әлем чемпионаты Перудің Лима қаласында өтіп жатыр. Әлем біріншілігіне 48 елден 403 жас татами шебері қатысуда.
