Екі дүркін Паралимпиада чемпионы Дегтярев қазақстандықтарға алғысын білдірді
Сурет: Instagram/csp_parasport.kz
2024 жылдың 4 қыркүйегінде қазақстандық Давид Дегтярев XVII Жазғы Паралимпиада ойындарында 54 келіге дейінгі салмақ дәрежесінде пара пауэрлифтингтен алтын медаль жеңіп алды. Жеңісінен кейін екі дүркін чемпион қазақстандықтарға алғыс айтты, деп хабарлайды Zakon.kz.
Бір қызығы, бұл Дегтяревтің екінші паралимпиадағы алтыны. Ол 2020 жылы Токиода өткен ойындарда алғаш рет жеңіске жетті.
Кейін Қазнетте Дегтярев Қазақстан халқына алғысын білдірген видео пайда болды.
"Мен үшін дұға еткен, сенген және үміт артқандардың барлығына үлкен рахмет. Мені өсірген, білім берген тамаша отбасыма. Мені мен қылған жақындарыма мың алғыс". Давид Дегтярев
Спортшы бапкерін де ұмытқан жоқ.
"КСП-ке, "Мерген" клубына, бастық Ұланға, менің бапкерім Юрий Николаевич Колесниковке, Қазақстан халқына мың алғыс". Давид Дегтярев
Жеңістің келесі күні, 5 қыркүйекте Дегтяревті ел президенті Қасым-Жомарт Тоқаев құттықтады. Мемлекет басшысының айтуынша, Дегтярев тамаша нәтижелер мен мызғымас қайрат көрсетті.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
