Ұлттар лигасы: Айқын фаворит саналған Норвегия Қазақстан құрамасын жеңе алмады
Сурет: Instagram/kff_team
Бірінші тайм қонақтардың толықтай басымдығымен өтті, олар допқа көбірек ие болды, ал Феликс Мюр штанга да соқты, бірақ есеп аша алмады. Екінші таймда да табло ашылмады, бұл жолы Эрлинг Холанд соққан доп тағы да штангаға тиді, Станислав Черчесов ойыншыларды алмастыра бастады, қонақтар шабуылдай түсті, бірақ олар сол күйі нәтижеге қол жеткізе алмады.
Ойынның қорытындысы: 0: 0. Осылайша Алматыда айқын фаворит жеңіске жете алмады.
Айта кетсек, кейінірек, сағат 23: 45-те біздің топтан Еуро – 2024 қатысушылары арасында тағы бір матч өтеді: Словения Австрияны қабылдайды. Екінші турда 6 қыркүйекте Қазақстан Словениямен сырт алаңда кездеседі, ал Норвегия өз үйінде Австрияны қабылдайды.
Ұлттар Лигасының барлық ойыны осы күзде өтеді:
- 10 қазан, сағат 23:45: Австрия – Қазақстан
- 13 қазан, сағат 18:00: Қазақстан-Словения
- 14 қараша, сағат 20:00: Қазақстан – Австрия
- 17 қараша, сағат 22:00, Норвегия – Қазақстан
Топтың жеңімпазы А лигасына шығады, екінші және үшінші орын С лигасының құрамаларымен ойнайды, төртінші орын С лигасына қосылады.
