Australian Open: Заңғар Нұрланұлы атақты теннисші Хьюиттің ұлын ұтып кетті

16 жасар Заңғар Нұрланұлы үнді теннисшісімен бірге Австралия ашық чемпионатының жасөспірімдер арасындағы турнирінің екінші айналымына шықты, деп хабарлайды Zakon.kz.

Заңғар Нұрланұлы үнді теннисшісі Крииш Тиаджимен бірге бірінші айналымда екі австралиялық спортшы - Круз Хьюитт пен Дуэ Марковинаны 6:2, 1:6, 10:4 есебімен жеңді.

Айта кетейік, Круз Хьюитт — аты аңызға айналған теннисші және екі дүркін Үлкен Дулыға жеңімпазы Ллейтон Хьюиттің ұлы.

Естеріңізге сала кетейік, бұған дейін Junior ' s Australian Open турнирін Әмір Омарханов сәтті бастағаны хабарланған болатын.