Бокстан әйелдер арасындағы Әлем чемпионатына қатысатындардың тізімі жарияланды

9-16 наурыз аралығында Сербияның Ниш қаласында бокстан әйелдер арасындағы әлем чемпионаты өтеді. Аталмыш жарысқа Қазақстаннан 12 боксшы қатысады, деп хабарлайды Zakon.kz.

Қазақстан бокс федерациясының мәліметінше, Қазақстан әйелдер құрамасын бас бапкер Елдос Сайдалин бастап барады. Сонымен  әлем чемпионатына қатысатын спортшылардың есімі белгілі болды:

48 келі: Назым Қызайбай

50 келі: Алуа Балқыбекова

52 келі: Анита Адишева

54 келі: Жайна Шекербекова

57 келі: Карина Ибрагимова

60 келі: Виктория Графеева

63 келі: Аида Әбікеева

66 келі: Жасмин Кизатова

70 келі: Наталья Богданова

75 келі: Надежда Рябец

81 келі: Гүлсая Ержан

81 келіден жоғары: Елдана Тәліпова.

Бұған дейін таеквондодан Софияда (Болгария) өтіп жатқан Bulgaria Open халықаралық турнирі аяқталғанын, Қазақстан құрамасы 14 медаль жеңіп алғанын жазғанбыз.