Қазақстандық Кәмила Смағұлова бадминтоннан Гаванадағы турнирде күміс жүлдеге ие болды

Бадминтоннан Қазақстан құрамасының өкілі Кәмила Смағұлова Куба астанасы Гаванада өткен XXIII Torneo Internacional Giraldilla 2025 турнирінде күміс жүлдегер атанды, деп хабарлайды Zakon.kz.

Спортшы аралас жұптық жарыста жеңіс тұғырының екінші сатысына көтерілді.

Гаванада Смағұлова ағылшын спортшысы Рохан Хиллмен бірге өнер көрсетті.

Алтын жүлде үшін өткен финалдық кездесуде Хилл мен Смағұлова Гватемала спортшылары Диана Сото мен Кристофер Сальвадор жұбына жол берді.