Бублик Мадридтегі турнирдің төртінші айналымында 19 жастағы чехиялық теннисшіге есе жіберді

Қазақстанның бірінші, әлемнің 75-ракеткасы Александр Бублик Мадрид (Испания) мастерс турнирінің ширек финалына шыға алмады, деп хабарлайды Zakon.kz.

Александр Бублик төртінші айналымда әлемдік рейтингіде 23-орындағы чехиялық Якуб Меншикпен кездесті.

Қазақстандық теннисші қарсыласына екі сетте 3:2, 2:6 есебімен есе жіберді. Бублик матч кезінде төрт эйс жасап, бір қос қателік жіберді. Ал чехиялық Якуб Меншик 10 эйспен көзге түсті және бір рет қос қателік жасады, төрт брейк-пойнттың үшеуін сәтті пайдаланды. 

Айта кетейік, бұған дейін Александр Бублик Мадридте өткен жылғы чемпионды ұтып, төртінші айналымға өткен еді.