Қазақстанның бірінші ракеткасы "Ролан Гаррос-2025" турнирін жеңіспен бастады

Қазақстанның үздік теннисшісі Александр Бублик Франция ашық чемпионатының жекелей сындағы алғашқы айналымынан сәтті өтті. Ол австралиялық Джеймс Даквортты жеңіп шықты, деп хабарлайды Zakon.kz.

Ерлер құрамасының көшбасшысы әлемдік ATP рейтингінде 92-орында тұрған қарсыласын аса қиындықсыз, үш сетте ұтты — 6:2, 6:4, 6:4.

Александр Бублик 1 сағат 49 минутта жеңіске жетті. Оны келесі айналымда әлемнің тоғызыншы ракеткасы — тағы бір аустралиялық Алекс де Минор күтіп тұр.

Осылайша, қазіргі таңда Франциядағы жекелей сында бақ сынап жатқан барлық қазақстандық теннисшілер әзірге сәтті өнер көрсетіп жатыр.

Еске салайық, Қазақстандық "лаки-лузер" Шевченко "Ролан Гаррос" турнирінің екінші айналымына өткенін жазған едік.