Бейбіт Жұқаев алғаш рет "Үлкен дулыға" турнирінің негізгі кезеңіне шықты

Қазақстандық теннисші, Ақтау теннис мектебінің тәрбиеленушісі Бейбіт Жұқаев (ATP рейтингінде 251-орында) өзінің мансабында алғаш рет Grand Slam санатына жататын атақты Уимблдон турнирінің негізгі кезеңіне жолдама алды.

Жұқаев іріктеудің шешуші матчында француз теннисшісі Лука Павловичті (ATP 239) 3:6, 6:3, 6:2, 7:6 (7:5) есебімен жеңді.

Бұл — 24 жастағы қазақстандық үшін тарихи жетістік. Былтыр ол негізгі кезеңге бір қадам қалғанда француз Алис Кантенге (3:6, 4:6, 4:6) есе жіберіп, іріктеу финалында сүрінген еді.

Өкінішке қарай, басқа қазақстандық спортшылар — Михаил Кукушкин, Дмитрий Попко және Тимофей Скатов — іріктеуден өте алмады.

Осылайша, "Уимблдонның" негізгі кезеңінде Қазақстан намысын келесі теннисшілер қорғайды: Александр Бублик, Александр Шевченко, Бейбіт Жукаев, Елена Рыбакина, Юлия Путинцева және Анна Данилина (жұптық сында).

Ал жасөспірімдер арасында ел намысын Әмір Омарханов, Занғар Нұрланұлы және Дәмир Жалғасбай (іріктеуде) қорғайды.