Наталья Богданова бокстан Әлем кубогының ақтық сынына шықты

Бокстан Қазақстан әйелдер құрамасының сапында өнер көрсетуші Наталья Богданова Астанадағы Әлем кубогының финалына шықты, деп хабарлайды Zakon.kz.

Ұлттық Олимпиада комитетінің хабарлауынша, қазақстандық боксшы 70 келіге дейінгі салмақта ел намысын қорғауда.

Наталья жартылай финалда нигериялық Патрисия Мбатамен қолғап түйістірді. Нәтижесінде, төрешілердің бірауызды шешімімен Наталья Богданова ақтық сынға жолдама алды.

Айта кетейік, бұған дейін Виктория Графеева (60 келіге дейін), Назым Қызайбай (48 келіге дейін), Нұрбек Оралбай (80 келіге дейін), Елдана Тәліпова (80 келіден жоғары) финалға шыққан болатын.