Қазақстан гандболдан жасөспірімдер арасындағы Азия чемпионатының қола жүлдесі үшін бақ сынайды

Гандболдан Қытайдың Цзинганшань қаласында өтіп жатқан жасөспірімдер арасындағы Азия чемпионатында Қазақстан қыздар құрамасы финалға жолдама ала алмады, деп хабарлайды Zakon.kz.

Жартылай финалда ұлттық құрама Жапонияға есе жіберді. Кездесу 39:24 есебімен қарсыластардың пайдасына аяқталды.

26 шілдеде Қазақстан Оңтүстік Кореямен кездеседі. Бұл ойында құрлықтық біріншіліктің қола жүлдесі сарапқа салынады.

Финалда Жапония мен Қытай құрамалары шеберлік байқасады.