Қазақстандық теннисші Италиядағы турнирдің финалында ойнайды

Қазақстандық теннисші, әлемнің 308-ракеткасы Тимофей Скатов Тоди (Италия) челленджер турнирінің финалына шықты, деп хабарлайды Zakon.kz.

Қазақстандық теннисші жартылай финалда әлемнің 246-ракеткасы, монаколық Валентен Вашеромен шеберлік байқасты. Екі сетте де 6:4 есебі тіркеліп, Тимофей жеңіске жетті.

Екі сағат 13 минутқа созылған тартысты бәсекеде Скатов 3 эйспен бірге 11 брейк-пойнттың үшеуін пайдаланды. 

Тимофей Скатовтың финалдағы қарсыласы кейін анықталады.

Еске салайық, бұған дейін Елена Рыбакина АҚШ-тың Цинциннати қаласында өтіп жатқан WTA 1000 санатындағы турнирдің жартылай финалына шыққанын хабарлаған едік.