WTA қорытынды турнирі: Рыбакина үшінші матчында жеңіске жетті

Қазақстанның бірінші, әлемнің 6-ракеткасы Елена Рыбакина WTA қорытынды турнирінде үшінші кездесуін өткізді, деп хабарлайды Zakon.kz.

Қазақстандық теннисші Серена Уильямс тобында әлемнің 7-ракеткасы, америкалық Мэдисон Кизбен кортқа шығуға тиіс еді. Алайда Киз вирус жұқтырғанына байланысты жарысты жалғастырудан бас тартты.

Оны қосалқы екінші ойыншы - әлемнің 10-ракеткасы, ресейлік Екатерина Александровмен алмастырды. Ал бірінші қосалқы ойынша Мирра Андреева денсаулығына байланысты кортқа шығудан бас тартқан.

Елена Рыбакина Екатерина Александровадан 6:4, 6:4 есебімен басым түсті.

Осылайша, бұған дейін жартылай финалға мерзімінен бұрын жолдама алған Елена енді WTAFinals турнирінің жартылай финалына сенімді қадам басты.