Путинцеваның Australian Open турниріндегі әрекеті желіде қызу талқылануда

Әлеуметтік желілерде Қазақстанның екінші ракеткасы Юлия Путинцеваның 18 қаңтарда Australian Open турниріндегі алғашқы жеңісінен кейінгі әрекеті кеңінен талқыланып жатыр, деп хабарлайды Zakon.kz.

Операторлар қазақстандық теннисшінің қарсыласымен қол алысар алдында эмоциясын асыра көрсеткен сәтін түсіріп алған. Көпшілік мұны спорттық этикаға сай келмейтін әрекет деп бағалап, қызу пікірталасқа себеп болды.

Yulia Putintseva’s reaction to the crowd after beating Bia Haddad Maia at the Australian Open.

Wait for it…

💀💀💀💀💀

pic.twitter.com/hTxeC6Mqeq

— The Tennis Letter (@TheTennisLetter) January 18, 2026

Желі қолданушыларының бір бөлігі Путинцеваның реакциясын орынсыз деп санады. Олардың пікірінше, матч аяқталғаннан кейінгі қол алысуға дейін өзін бұлай ұстаудың қажеті болмаған.

Дегенмен Юлияны қорғағандар да табылды. Матчты тамашалаған көрермендердің айтуынша, кездесу барысында трибуналар ашық түрде қарсыласын қолдап, Путинцеваға салқын әрі жағымсыз көзқарас танытқан. Осы нұсқаға сенсек, матчтан кейінгі ирония мен эмоциялық серпіліс көрермендерге бағытталған жауап болған.

Australian Open әйелдер арасындағы жекелей сын турнирі 18–31 қаңтар аралығында өтеді. Турнирдің жүлде қоры – 74,9 миллион доллар.

Турнирдің қазіргі чемпионы – америкалық Мэдисон Киз. Ол 2025 жылғы финалда беларусьтік Арина Соболенконы 6:3, 2:6, 7:5 есебімен жеңген.

Бұған дейін Путинцеваның Australian Open–2026 турнирінде сенсация жасағанын жазғанбыз.