Қазақстан Астанада өткен семсерлесуден Әлем кубогында жартылай финалға шықты

Қазақстанның ерлер құрамасы шпагамен семсерлесуден Астанадағы Әлем кубогының жартылай финалына жолдама алды, деп хабарлайды Zakon.kz.

Ширек финалда біздің құрама АҚШ командасынан 45:40 есебімен басым түсті.

Турнир барысында Вадим Шарлаимов, Эльмир Алимжанов, Никита Жулинский және Александр Федотов Австралияны (45:35) және Польшаны (42:41) жеңді.

Жартылай финалда Қазақстан Франция құрамасымен кездеседі.

Еске салайық, бұған дейін Руслан Құрбанов Астанада өткен Әлем кубогында күміс жүлде жеңіп алғанын хабарлаған едік.