Дастан Сәтпаев "Бернлидің" Чемпионшиптегі дебютінде командасын жеңілістен құтқара алмады

23 тамызда қазақстандық шабуылшы Дастан Сәтпаев Чемпионшиптің екінші турындағы матчта екінші таймда алаңға қосалқы құрамнан шықты. "Вест Бромвич Альбион" өз алаңында "Бернлиді" 3:1 есебімен жеңді, деп хабарлайды Zakon.kz.

Бірінші таймда командалар бір-бірден гол соғып, үзіліске 1:1 есебімен кетті. Алайда екінші тайм басталғаннан кейін, 46-минутта алаң иелері есепте алға шықты.

57-минутта "Бернли" бас бапкері Дастан Сәтпаевты алаңға шығарды. 18 жастағы шабуылшы үшін бұл жаңа клубындағы ғана емес, жалпы Англия чемпионатындағы алғашқы ресми матчы болды.

Өкінішке қарай, Сәтпаевтың алаңға шығуы "Бернлиге" есепті теңестіруге көмектеспеді. 65-минутта "Вест Бромвич" үшінші голын соғып, матчтың қорытынды есебін белгіледі.

Посмотреть эту публикацию в Instagram

Публикация от Burnley Football Club (@burnleyofficial)

Дастан Сәтпаев алаңда шамамен 35 минут өткізді. Статистикалық Flashscore порталы оның ойынына 6,2 деген баға берді.

Қазір "Бернли" Чемпионшип турнирлік кестесінде 1 ұпаймен 18-орында тұр.

Келесі турда қазақстандық футболшының командасы "Норвичке" қарсы ойнайды. Матч 29 тамызда сағат 19:00-де (Қазақстан уақытымен) өтеді.