Айбек Оралбай Азия ойындарының финалына шықты

Бүгін, 29 қыркүйекте Жапонияның Айти-Нагоя қаласында ХХ жазғы Азия ойындары аясындағы боксшылардың жартылай финалдық жекпе-жектері басталды. Жергілікті рингке алғашқылардың бірі болып Қазақстанның әлем чемпионы Айбек Оралбай көтерілді, деп хабарлайды Zakon.kz.

90 келіден жоғары салмақта Айбек Үндістан өкілі Нарендермен кездесті. Қазақстандық боксшы алғашқы раундтан бастап жекпе-жек барысын толық бақылауда ұстап, төрешілердің бірауызды шешімімен 5:0 есебімен жеңіске жетті.

Посмотреть эту публикацию в Instagram

Публикация от Kazakhstan Boxing Federation (@boxingkazakhstan)

Осылайша, 2025 жылғы әлем чемпионы, Азияның үш дүркін чемпионы атанған 26 жастағы қазақстандық боксшы 2 қазанда Азиада-2026-ның "алтын" медалін сарапқа салатын болады.

Посмотреть эту публикацию в Instagram

Публикация от Kazakhstan Boxing Federation (@boxingkazakhstan)

Қазақстанның өзге боксшылары финалға берілетін жолдамаларды ертең сарапқа салады.

29 қыркүйекте Қазақстан құрамасының қоржыны Азия ойындарында тағы екі қола медальмен толықты.

Посмотреть эту публикацию в Instagram

Публикация от 𝑯𝑶𝑴𝑬 𝑶𝑭 𝑸𝑨𝒁𝑨𝑸𝑺𝑻𝑨𝑵 𝑺𝑷𝑶𝑹𝑻𝑺 (@qaz_team_official)

Арайлым Шегенова кураштан үшінші орын алды. Ол шешуші белдесуде кореялық Минён Кимнен 0:1 есебімен жеңілді.

Сурет: telegram/olympickz

Ал Қазақстанның ерлер құрамасы стенд атудан "трап" бағдарламасындағы командалық жарыстың финалына қатысып, 348 ұпай жинап, қола жүлдеге ие болды.

Бұл спорт түрінде Қазақстан намысын Даниил Почивалов, Әлішер Айсалбаев және Марк Почивалов қорғады.

Бір күн бұрын Қазақстанның тағы бір әлем чемпионы, ауыр атлет Нұрғиса Әділетұлы алғаш рет Азия ойындарының жүлдегері атанды.