Ақтөбе облысында пара алған тергеу изоляторының экс-басшысы сотталды
![Сыбайлас жемқорлық, сурет - Zakon.kz жаңалық 18.10.2022 19:42](https://kaz.zakon.kz/pbi/WEBP/2023-12-20/file-c9a5d380-a9e8-41dd-a059-847757194593/800x451.webp)
Ақтөбе облысы бойынша ҚАЖД-ға қарасты КА-168/3 (тергеу изоляторы) мекемесінің бұрынғы бастығы сотталушыдан 450 мың теңге көлемінде пара алғаны үшін сотталды, деп хабарлайды Zakon.kz.
Ақтөбе қаласының № 2 сотының баспасөз қызметі хабарлағандай, аталған оқиға 2022 жылдың 7 қыркүйегінде орын алған. Пара сотталушыны жазасын өтеу кезінде камералық үлгідегі үй-жайдан казармаға ауыстыру және болашақта оны жұмыспен қамтуы үшін берілген.
Сот отырысында сотталушы кінәсін толықтай мойындады.
Сот Ә-нің сыбайлас жемқорлық бойынша құқық бұзушылық жасағанын ескере отырып, оған 3 жыл мерзімге бас бостандығынан айыру жазасын тағайындады, сондай-ақ өмір бойы мемлекеттік қызметте қызмет атқару құқығынан айырды, – деді баспасөз қызметіндегілер.
Сот үкімі заңды күшіне енген жоқ.
КА-168/2 мекемесі - шағын, орта және ауыр қылмыстар үшін алғаш рет сотталған адамдарды ұстауға арналған түзеу мекемесі (орташа қауіпсіздік деңгейіндегі).
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript