Маск Трампты Twitter-ге қосу-қоспау керектігі туралы сауалнаманы ортаға ұсынды

Twitter, сурет - Zakon.kz жаңалық 19.11.2022 11:51

Сурет: Instagram/realdonaldtrump

Twitter әлеуметтік желісінің жаңа қожайыны Илон Маск АҚШ-тың экс-президенті Дональд Трамптың аккаунтын қалпына келтіру керектігі-керек еместігіне қатысты сауалнаманы жариялады, деп хабарлайды Zakon.kz.

Ол Twitter-дегі өз парақшасында осындай мазмұндағы сауалнаманы жариялады.

"Бұрынғы президент Трампты қалпына келтіру керек пе", – деп жазды Маск.

Төменгі жағында екі жауап көрсетілген: иә немесе жоқ.

Бұған дейін Трамп өзінің Truth social әлеуметтік желісінде Илон Масктың Twitter-ді сатып алуына қатысты пікір білдіріп, аталған желі басшылығына дұрыс адам келді деп мәлімдеді. Алайда ол Twitter-дегі аккаунты бұғаттан шығарылса, ол оны пайдаланатын-пайдаланбайтындығына қатысты ләм-мим деп жақ ашпады.

Сайлауда жеңіліске ұшыраған Ақ үйдің басшысы 2021 жылдың 6 қаңтарында Вашингтондағы тәртіпсіздіктерден кейін әлеуметтік желідегі парақшасы жойылды. Трамптың жақтастары конгресс бекіткен демократ Джо Байденне кедергі келтіріп, Капитолийге шабуыл жасады.

Сауалнама 24 сағатқа созылады.

Оқи отырыңыз