Украинадан 23 қазақстандық жүк көлігі шығарылды
Сурет: pixabay
ҚР Индустрия және инфрақұрылымдық даму министрлігі, Сыртқы істер министрлігі және үшінші елдердің мемлекеттік органдарының көмегімен Украинадан 23 қазақстандық жүк көлігі шығарылды.
Тағы 7 жүк көлігі Польша шекарасында, – деп хабарлады ИИДМ баспасөз қызметі.
Еске сала кетейік, бұған дейін ҚР ИИДМ-де халықаралық жүк тасымалындағы мәселелер бойынша жедел кеңес өткен еді. Қазақстандық жүк көліктерін Украинадан шығару үшін олардың тізімі жасалып, ҚР Сыртқы істер министрлігіне берілді.
Сонымен қатар ҚР ИИДМ көліктер мен жүргізушілерді қосымша құжаттарсыз өткізу жөнінде Польша мен Молдованың мемлекеттік органдарына жүгінді. 2022 жылғы 28 ақпанда ҚР Индустрия және инфрақұрылымдық даму вице-министрі Берік Камалиев уәкілетті органдармен қазақстандық тасымалдаушылардың Украинадан шығуы үшін «жасыл дәліз» ұйымдастыру жөнінде келіссөз жүргізді.
Кеңес барысында тасымалдаушыларға жүргізушілерді Украинаның батыс бөлігі арқылы Польша мен Молдавия шекараларына жіберу ұсынылды. Онда өткізу пункттері ашылып, жеңілдетілген тәртіппен өту ұйымдастырылды.
Сонымен қатар ҚР ИИДМ Ахуалдық орталығы базасында жедел желі ашылды.
Туындаған сұрақтар бойынша Call-орталыққа +7 708 088 0 800; +7 (7172) 98-35-35 нөмірлеріне қоңырау шалуға, сонымен бірге + 7 708 088 0 800 WhatsApp нөміріне жазуға болады.
