Қазақстанда сүт неге қымбаттады

Сурет: Zakon.kz

Премьер-министрдің орынбасары – Сауда және интеграция министрі Бақыт Сұлтанов пен Ауыл шаруашылығы министрі Ербол Қарашүкеев Қазақстанда сүт қымбаттау себебін айтты, деп хабарлайды Zakon.kz.

Мұндағы ең маңызды мәселе – өнім көлемі. Ұлттық жобамызға сай 2025 жылдың соңына дейін негізгі сүт өндірушілерді, сүт фермаларын көбейтуді жоспарлап отырмыз. Биыл аздап азаюы былтырғы құрғақшылық салдарынан сүттің бір бөлігі тұрғындар сатып алғанына байланысты болды. Биыл сүт фермаларын салу жоспарланған. 2025 жылдың соңына дейін бізде нақты жоспар, бағдарлама, жоба бар. Оны қаржыландырып, сүт өндірісінің көлемін ұлғайтамыз.Ербол Қарашүкеев

Министрдің сөзінше, сүт қымбаттауына сырттан келетін материалдар мен тауардың қымбаттауы басты себеп болып отыр.

Бағаның өсуіне келсек, бұл негізінен сүт өндіру саласына, тауарлы-сүт фермаларына емес, біздің валюта бағамының өзгеруіне байланысты. Шығыс материалдары қымбаттады. Бұл объективті себеп. Себебі біз материалдарды өндірмейміз.Ербол Қарашүкеев

Осы мәселеге қатысты пікір білдірген Сауда және интеграция министрі сүт бағасының өсуіне бірқатар факторлар әсер етті деп есептейді.

Мен растаймын. Бұл жерде импорттық инфляцияның бір ғана элементі бар. Сүтті өндірушілердің өзі мұндай көлемде өзіндік құнын өсірмеген, дегенмен өсу факторлары бар. Ол – өнімнің өзіндік құнына кіретін жем-шөптің, басқа ілеспе өнімдердің құны. Мысалы, өңдеушілер қаптама материалдарының құнын көтеруге мәжбүр болды. Себебі ол негізінен Ресейден әкелінді. Ресейдің өзінде біз бүгін үзілісті көріп отырмыз, өйткені бірқатар кәсіпорындар ресейлік нарықтан шығып жатыр. Сондықтан көршілес Ресей де, біз, біздің кәсіпорындар да жеткізушілерді ауыстыруға мәжбүр. Мұның бәрі оралған сүтке келгенде соңғы өнімнің өзіндік құнының өсуіне әкеледі. Бірақ әртүрлі желілерде және әртүрлі жеткізушілерден бүгінде шығындардың 9-дан 23%-ға дейін өсуін байқаймыз. Бұл біз атаған негізгі факторларға байланысты.Бақыт Сұлтанов

Оқи отырыңыз