Қазақстан Пәкістанда су тасқынынан зардап шеккендерге 400 мың доллар бөледі

Сурет: Zakon.kz

Мемлекет басшысының тапсырмасы бойынша Қазақстан үкіметі көптеген құрбандарға әкеп соқтырған нөсер жаңбыр мен су тасқынының салдарын жою үшін Пәкістанға 400 мың АҚШ доллары көлемінде гуманитарлық көмек көрсетеді, деп хабарлайды Zakon.kz.

Бұл мәселе премьер-министрдің бірінші орынбасары Роман Склярдың төрағалығымен өткен гуманитарлық көмек комиссиясының отырысында қаралды.

Ресми деректерге сәйкес, Пәкістанда табиғи апаттардан 1033 адам, оның ішінде 343 бала қаза тапты, үйлер мен инфрақұрылым қирады. 35 миллионға жуық адам баспанасыз және тамақсыз қалды.

27 тамызда Пәкістан премьер-министрі Шахбаз Шариф халықаралық қауымдастықтан көмек сұрады.

28 тамызда Қазақстан президенті Қасым-Жомарт Тоқаев Пәкістан президентіне су тасқыны кезінде адамдардың қаза болуына байланысты көңіл айтты.

Оқи отырыңыз