Қазақстанда халықтың әлеуметтік жағынан осал санаттарының құқығын қорғайтын уәкіл тағайындалатын болды

Халықтың әлеуметтік жағынан осал санаттарының құқықтары жөніндегі уәкіл, Еңбек министрлігі

Сурет: Zakon.kz

Еңбек және халықты әлеуметтік қорғау министрлігі "Қазақстан Республикасының Президенті жанындағы Халықтың әлеуметтік жағынан осал санаттарының құқықтары жөніндегі уәкіл институтын құру туралы" қаулы әзірледі, деп хабарлайды Zakon.kz.

Уәкілдің негізгі мақсаттары – халықтың әлеуметтік жағынан осал санаттарының құқықтары мен заңды мүдделерінің кепілдігін қамтамасыз ету, сондай-ақ мемлекеттік және қоғамдық институттарымен өзара іс-қимылда олардың құқықтары мен бостандықтарын қалпына келтіру.

Халықтың әлеуметтік жағынан осал санаттарының құқықтары жөніндегі уәкіл негізгі құқықтары мен заңды мүдделерін қорғайтын халық санаттарының тізбесіне мыналар:

Ұлы Отан соғысының ардагерлері;
жеңілдіктері бойынша Ұлы Отан соғысының ардагерлеріне теңестірілген ардагерлер;
басқа мемлекеттердің аумағындағы ұрыс қимылдарының ардагерлері;
мүгедектігі бар адамдар;
мүгедектігі бар балалары бар немесе оларды тәрбиелеп отырған отбасылар;
атаулы әлеуметтік көмек алушылар;
асыраушысынан айрылу бойынша жәрдемақы алушылар;
жасына қарай зейнет демалысына шыққан зейнеткерлер;
қандастар;
"Алтын алқа", "Күміс алқа" алқаларымен наградталған немесе бұрын "Батыр ана" атағын алған, сондай-ақ I және II дәрежелі "Ана даңқы" ордендерімен наградталған көпбалалы аналар, көпбалалы отбасылар жатады.

Құжат 27 қаңтарға дейін талқылау үшін Ашық НҚА сайтында жарияланды.

Оқи отырыңыз