Смайылов: Наурыз елімізге бейбіт заман, халқымызға құт-береке сыйласын

Премьер-министр Әлихан Смайылов Қазақстан халқын Наурыз мейрамымен құттықтады, деп хабарлайды Zakon.kz Үкіметтің баспасөз қызметіне сілтеме жасап.

Әлихан Смайылов әр шаңыраққа бақыт пен шаттық тіледі.

"Құрметті қазақстандықтар! Баршаңызды Ұлыстың ұлы күні – Наурыз мерекесімен шын жүректен құттықтаймын! Наурыз – күн мен түннің теңеліп, табиғат пен қоғамның қайта жаңаруының мерекесі. Жақсылықтың жаршысы Наурыз елімізге бейбіт заман, халқымызға молшылық пен құт-береке сыйласын. Әр шаңыраққа бақыт пен шаттық тілеймін! Ұлыс оң, ақ мол болсын!" ҚР Премьер-министрі Әлихан Смайылов