Астанада тротуарлар мен жолдардың мұзы тазартылып жатыр

Соңғы күндері елорданың тротуарлары мен жолдарында ауа райының күрт өзгеруіне байланысты көктайғақ орын алған. Қаланың коммуналдық қызметтері тәулік бойы күреу жұмысын, сондай-ақ жол және жаяу жүргіншілер бөлігінің аумағын мұздан тазартуды белсенді жүргізуде, деп хабарлайды Zakon.kz.

Астана қаласы әкімдігінің баспасөз қызметі қазір қар күреу жұмысы белсенді жүріп жатқанын хабарлайды. Таңертеңнен бастап 2 мыңнан астам жол жұмысшысы мен 1000-нан астам арнайы техника жұмылдырылды.

Сурет: Астана қаласы әкімдігінің баспасөз қызметі

Өткен бір түнде елордадан 32 мың текше метр қар немесе 2 535 ауыр жүк көлігіне тең қар шығарылды. Қыс мезгілінің басынан бері полигондарға шамамен 2,2 млн текше метр қар мен мұз немесе 177 мыңнан астам рейс шығарылды.

Сурет: Астана қаласы әкімдігінің баспасөз қызметі

Сондай-ақ қаланың барлық ауданында – қоғамдық орындарда, кварталішілік аумақтарда, тротуарларда, аялдама павильондарында және т.б. құм-тұз қоспасын себу жүргізілуде.

Сурет: Астана қаласы әкімдігінің баспасөз қызметі

Тайғақ жерлерде құлап, жарақат алмас үшін елорда тұрғындары мен қонақтары қозғалыс ережесін қатаң сақтауы керек.