Жаңалықтар тізбегі
0

Белгісіз аурудың өршуіне байланысты Қазақстан Мысырдан келетін рейстерге бақылауды күшейтті

Мысыр, денге безгегі, ҚР ДСМ Сурет: unsplash
ҚР Денсаулық сақтау министрлігі республика азаматтарына Мысырда денге безгегі өршуі мүмкін екенін ескертті. Осыған байланысты Қазақстан Республикасының әуежайларында, вокзалдарында және автомобиль пункттерінде пирамидалар елінен келетіндерді бақылау күшейтілді, деп хабарлайды Zakon.kz.

2023 жылғы 16 шілдеде БАҚ-та жарияланған Мысыр Денсаулық сақтау және ел тұрғындары министрлігінің ақпараты бойынша, елде белгілері денге безгегіне ұқсас белгісіз ауру тіркелген.

"Елге кірген кезде әуежайда, теміржол вокзалдарында және автомобиль пункттерінде санитариялық-карантиндік пунктте науқастарды уақтылы анықтау және медициналық көмек көрсету мақсатында дене температурасын қашықтан өлшеу арқылы келгендерге мониторинг жүргізіледі".ҚР ДСМ Санитариялық-эпидемиологиялық бақылау комитеті

Санитариялық-эпидемиологиялық бақылау комитетінің мәліметінше, Қазақстанда жыл сайын аурудың жекелеген жағдайлары тіркеледі. Ағымдағы жылы денге безгегі бойынша қолайсыз елдерден (Таиланд) келген адамдар арасында оның 2 жағдайы тіркелді.

Денге безгегі – адамға инфекция жұқтырған масалардың шағуы арқылы берілетін вирустық инфекция. Ауру адамнан адамға ауа тамшылары арқылы берілмейді.

Ауру тропикалық және субтропикалық елдерде таралады. ДДҰ мәліметтері бойынша, Африка, Америка, Шығыс Жерорта теңізі, Оңтүстік-Шығыс Азия және Батыс Тынық мұхитының 100-ден астам елі эндемикалық болып келеді.

Ауру дене температурасының жоғарылауы, бас ауруы, дененің ауыруы, жүрек айнуы түрінде көрінеді, әйтсе де көп жағдайда ауру симптомсыз өтеді және науқастың жағдайы 1-2 аптадан кейін жақсарады.

Эндемиялық елдерде болған кезде инфекцияны жұқтырмау үшін:

  • масалардың шағуына қарсы құралдарды қолданыңыз;
  • терезелер мен есіктерді жабыңыз;
  • аурудың белгілері пайда болған кезде медициналық көмекке жүгініңіз.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: