Үндістанның Үкімет басшысы алдындағы тақтайшада ел атауы "Бхарат" деп көрсетілген

Бхарат, Үндістан, ел атауы, G20 саммиті, сурет - Zakon.kz жаңалық 09.09.2023 15:22

Сурет: Telegram/rian_ru

Үндістан Премьер-министрі Моди G20 саммитінің бірінші сессиясына қатысты. Үстел басында ел атауы бар тақтайшаға ол "Үндістанның" орнына "Бхарат" деген жазуды қолданған, деп хабарлайды Zakon.kz.

9-10 қыркүйек аралығында Нью-Делиде G20 саммиті өтіп жатыр. Биыл оған Владимир Путин мен Си Цзиньпин қатыспайды. Саммитте Ресейдің атынан СІМ басшысы Сергей Лавров, ал Қытайдың атынан ҚХР Үкімет басшысы Ли Цян болады.

Үндістанды ежелгі атауы - Бхаратқа өзгерту туралы қарар Парламенттің 18-22 қыркүйекте өтетін алдағы сессиясына талқылау үшін енгізілмек.

Тиісті ақпаратты Конгресс жетекшісі Джайрам Рамеш те растады. Ол Раштрапати-Бхаван G20 елдерінің мүшелеріне Бхарат Президенті атынан шақырту таратқанын жеткізді. "Сондықтан бұл жаңалық шынымен де шындыққа жатады", – деп жазды Рамеш Twitter-де.

Бхарат - Үндістанның хинди тіліндегі тарихи атауы. Елдің "Үндістан" атауын солтүстік-батыс еуропалықтар елдің солтүстігінде ағып жатқан үнді өзенінің құрметіне берген. Алайда жергілікті халықтың өзі бұл өзенді Синдху деп атайды.

Ассаманың Бас министрі Химанта Бисва Сарма сейсенбіде ел атауын Бхарат деп өзгертуді қолдап, мәлімдеме жасады.

Оқи отырыңыз