АҚШ-та жүзден астам көлік бір-біріне соғылып, 7 адам қаза тапты

АҚШ, жол-көлік апаты, сурет - Zakon.kz жаңалық 24.10.2023 17:28

Сурет: Louisiana State Police

Луизиана штатындағы тас жолда қалың тұманда 158 көлік бір-біріне соқтығысып, кемінде жеті адам қаза тауып, 25-тен астам адам жарақат алды, деп хабарлайды Zakon.kz.

Сент-Джон Баптист округінің тас жолындағы ірі жол-көлік апаты таңғы "қалың тұман" кезінде болған, жол көрінбеген, деп жазды UPI.

Жол-көлік оқиғасы кезінде бірнеше көлік, соның ішінде қауіпті сұйықтық құйылған цистерналар өртенді. Билік I-55, I-10 және I-310 тас жолдарын жауып тастады. I-55 түнде екі бағытта да жабық күйінде қалды. Мамандар жолды қираған көліктерден тазартса,көлік қызметі мамандары тас жолдың жай-күйін тексерді.

24 қазан күні таңертең Ұлттық метеорология қызметі Луизиананың оңтүстік-шығысында Батон-Руждан Жаңа Орлеанға дейінгі аумақты қалың тұман басатынын ескерткен.

"Дала өрті мен қалың тұман қауіпті, мен зардап шеккен аудандарда тұратын барлық луизиандықтарды сапарға шыққанда өте сақ болуға шақырғым келеді". Луизиана губернаторы Джон Бел Эдвардстың мәлімдемесі

Тергеушілер апаттың нақты себебін анықтап жатыр.

Оқи отырыңыз