Израиль қорғаныс министрі Газадағы соғыс тағы екі айға созылатынын айтты

Израиль, ХАМАС, ЦАХАЛ, соғыс, Палестина, сурет - Zakon.kz жаңалық 08.12.2023 10:17

Сурет: freepik

Израильдің көршілес Газа секторындағы ХАМАС-пен соғысы қазіргі қарқынмен тағы екі айға созылуы мүмкін, деп хабарлайды Zakon.kz.

Израиль қорғаныс министрі Йоав Галланттың айтуынша, соғыс қимылдары аяқталғаннан кейін, "тазалау" операцияларын жүргізу үшін тағы бірнеше ай қажет болады, ол кезде елдің әскери күштері "террористік қарсылық ошақтарын тазартады".

Галлант бұл жөнінде брифинг барысында айтты, деп хабарлады ABC News. АҚШ-тың жоғары лауазымды шенеуніктерінің Газа секторындағы бейбіт тұрғындардың қазасы күрт өскені жайындағы бірнеше ескертулеріне байланысты ол Израиль Палестина халқымен соғыспайды деп сендірді.

Газа денсаулық сақтау министрлігінің мәліметінше, Израиль армиясы лаңкестік толқулардан кейін қарсы шабуылды бастағаннан бері мұнда шамамен 16 мың адам қаза тапты, қаза болғандар саны күн сайын артып келеді. 362 шаршы шақырым аумақты алып жатқан Газада қоршауда өмір сүріп жатқан 2,3 миллиондай палестиналық тұрады.

Оқи отырыңыз